CLOSE-UP: JAO VIOLA, THE PINOY BOY BAND SUPERSTAR FINALIST

JAO: THE ROAD IS BRIGHT!

JAO (second from left), with blogger robert silverio, manager martin bellosillo, actor nikki co and writer throy catan

Magdagdag ng caption

Tunay ka. Mahal na mahal namin ang Elites Model at finalist ng Pinoy Boy Band Superstar na walang iba kundi si Jao Viola. Ever since ay gustong-gusto na namin ang batang ito- pala-ngiti, charming, mabait, thoughtful at very sweet kung makisama. Kaya naman nuong napanood namin siya bilang isa sa mga contestants ng Pinoy Boy Band Superstar ay halos mapalundag kami sa tuwa, lalo na nuong mapasama siya as among the Top 25 Finalists! Napakabait kasing bata kaya naman hayan at sinusuwerte siya ngayon.

Bigla tuloy nag-flashback iyong mga days na bagong-bago pa lang si Jao sa Elites Model Management ni dad Martin Bellosillo. Nariyang mag-swimming kami kasama ang bagets na ito sa isang out-of-town event, makita siya sa mga pictorial sessions niya, at rumampa na din siya bilang isang modelo sa concert ng Philippine Stagers Foundation sa Araneta Coliseum kung saan naging guest ang Elites models, and that was only two years ago.

Sa isang event ng The Elites, muli naming nakita si Jao at nakapanayam. At naitanong namin sa kanya kung ano'ng masasabi niya sa naging karanasan niya sa pagkakasali niya sa Pinoy Boy Band.

"Sa una po, mahirap, pero sa kalaunan ay talagang nag-enjoy na po ako", bungad na sagot ni Jao sa amin. "Ang pinaka-nagustuhan ko po ay yung pakikisama ko sa mga fellow Boy Band aspirants ko. At nung mapasama naman ako sa Top 40, naku, iyon na yata ang pinakamasayang sandali ng buhay ko."

Nag-land si Jao hanggang sa Top 25. Pero naalis na siya after that. Pero okey lang kay Jao.

"Alam ko naman kasing kulang pa ang ability ko sa pagkanta", very humble pang nasabi ni Jao. "Pero tuloy pa rin ang buhay ko after Pinoy Boy Band. Kinuha na po ako ngayon ng Star Magic, at may mga plano din po sa akin ang manager ko sa Elites na si dad Martin."

Ang gustong sundan ni Jao na mga yapak ay ang mga naging yapak nina Michael Pangilinan at Jay-R.

"Pareho po kasi silang R&B singers, and I can identify myself as a R&B singer, too", sey pa ni Jao. "One Sem na lang po ang tatapusin ko gayon sa pag-aaral ko, kaya naka-focus muna ako dito. pero after that, itutuloy-tuloy ko na ang pagpasok ko sa mundo ng pagkanta."

May mga nakalaan nang mga proyekto para kay Jao ngayon, pero hindi nagmamadali ang manager niya. Basta ang mahalaga, maraming nagsasabi na maliwanag ang daan patungo sa kasikatan sa isang Jao Viola.

Need we say more?


(sinulat ni robert manuguid silverio)