Apat na taon na mula ngayon, isang ordinaryong nilalang na ang nakasaksi ng lahat. Kung gaano kamahal ng TEAM GERALD ang isang singer-actor in person of Gerald Santos...
Apat na taon na mula ngayon, naging kaparte na ang ordinaryong nilalang na iyon sa kanilang pamilya. Nakisaya, nakiluha, nakisali sa mga palaro, naki-yakap sa kanilang IDOLO...
Apat na taon na mula ngayon, naramdaman na ng ordinaryong nilalang na iyon ang pagtanggap, pagmamahal, pagkakaisa, paghanga at pagkalinga. Mula sa kanila. At mula rin sa isang binatang nagngangalang RALD.
Apat na taon na mula ngayon, tuwing magpa-Pasko, nabubuo ang mga pangarap niya, lumiligaya siya sa simpleng okasyon na iyon, nagiging kumpleto ang kaluluwa ng Kapaskuhan sa kanya.
Sa isang napaka-simpleng okasyon na punong-puno nga PAGIBIG,. Sa isang simpleng Christmas Party ng mga tagahanga ni Gerald Santos. Taon-taon, mula noon.... hanggang ngayon.
Ang bawat tao ay may mga simpleng pangarap at "wishes" lamang. Mga simpleng hiling na kapag natupad, ay, masasabi niyang kay ganda nga ng mundo. Kumukuti-kutitap.... At nabubuhay muli ang sigla at lakas para lumaban.
Isang grupo ng mga tao ang tumanggap sa kanya, apat na taon na mula ngayon. At sapat na iyon para lumigaya siya.
At sa taong ito, mas lalong naging emosyonal ang lahat, as they all shared their own personal experiences kung paano nila minahal ang isang Gerald Santos.
Si Ernani de Lima, panay na ang iyak sa umpisa pa lamang ng programa. At tanging siya lamang ang nakapagdala ng mga litrato ni Rald na nasa loob ng kanyang wallet. Tunay ngang mahal niya si Rald.
Si Madamme Sulit Chef, nakupo, talagang napatili pa ng ubod ng lakas nu'ng ikuwento niya na nu'ng malaman niyang si Gerald Santos pala ang bida sa play na panonoorin nila, mula sa imbitasyon ng dating guro ni Gerald sa eskuwelahan, talagang napalundag siya sa sobrang tuwa.
Si Raul Car Uri, pinalakpan ng husto ng lahat ng TEAM GERALD members dahil sa napakaganda niyang mensahe para kay Rald. Sinabi niyang tila isang anghel si Rald, at makikita sa mukha nito ang napakagandang aura at katotohanan...
Si Nanay Bebot, na mula't sapul pa, ay nariyan na para sa buong Team Gerald. Bubusisiin kung sapat ba ang handa nila sa party, kung ano pa ba ang mga kailangan, at malalapitan sa oras ng kagipitan. Siya din kasi ang tumatayong Nanay ng lahat, since siya ang Pangulo ng Team Gerald.
Si Nanay Sally, na laging game na game sa lahat ng parlor games. Laging nagpapasaya at nagpapa-kuwela sa lahat. Napaka-totoong tao, na walang bahid ng kaplastikan sa katawan.
Si Lhynne, na magmula pa noon, wala nang sawa sa pagkuha ng mga litrato kay Rald, at sa pag-upload ng mga videos ni Rald sa mga events nito, na siyang naging daan tuloy upang matuklasan si Rald worldwide and internationally dahil maraming nakakita sa Youtube.Com at sa viral world ng mga vids na iyon ni Rald...
Sina Ate Tess Calayan, Tita Z (Zeny), na laging may mga dalang bonggang mga regalo para sa lahat. Mga regalong tunay mong mapapakinabangan, ite-treasure at mamahalin.
At paano ba malilimutan ng isang ordinaryong nilalang at napakagandang kalooban nina Ate Maritess Soguilon at ng manager ni Rald mismo na si Kuya Cocoy Ramilo? Nariyang ipagbalot pa ni Ate maritess ng ulam na handa ang nilalang na iyon, laging nag-iistima at nag-aasikaso, at, hinding-hindi ka pababayaan. Si Kuya Cocoy naman, makikita mo sa kanyang mukha na halos mapaiyak na siya sa tuwing program proper na. Kinokontrol lang niya ang mga luha niya. Pero damang-dama niya ang pagkakaisa at pagmamahalan ng lahat ng mga taong naroon.
Ito nga siguro ang hinahanap ng isang ordinaryong nilalang na iyon. Ang tunay na SAMAHAN. Isang samahan na may mga simpleng hangarin lamang at taos-pusong pagmamalasakit sa kanilang idolo at minamahal na kaibigan- si RALD.
Sa grupong ito ay nakita niya ang simple at banayad na samahan. At wala na rin siguro siyang mahihiling pa.
May iba rin namang grupo at mga ka-TROPS ang isang nilalang na iyon. At umaasa siyang ang lahat ay maaayos na. Dahil alam naman niyang nagmamalasakit din naman sa kanya ang iba pa niyang mga ka-grupo.
Pero buti na lang at may isang TEAM GERALD na nagbigay ng pagkakataon sa kanya na mapatunayan sa lahat na sinsero naman siya bilang isang KASAMAHAN at KA-"TROPS".
SALAMAT, TEAM GERALD SA ISA NA NAMANG SIMPLENG GABI NG KALIGAYAHAN AT PAGASA.
SA PILING NI GERALD SANTOS.
Sa nagdaang 2016 Christmas Party ng TEAM GERALD.
(sinulat ni robert manuguid silverio)
PHOTOS COURTESY OF MR. GERALD SANTOS
Walang komento:
Mag-post ng isang Komento