PREDIKSYON PARA SA CINEMA ONE ORIGINALS FEST: MAGIGING BLOCKBUSTER HIT ANG "DOUBLE TWISTING, DOUBLE BACK" AT BEST ACTOR SI TONY LABRUSCA!

producer shandii j. during the cinema one originals 2018 opening night

producer shandii j. : one ace to spare (where are the EYES, though? haha).

shandii bacolod, producer of "double twisting, double back"

director joseph abello, c1 head ronald arguelles and actor joem bascon 

"Mental disorder, erotic sports, sex addiction, psycho drama- iyan lahat ang ingredients ng pelikula naming Double Twisting, Double Back!", tumitiling sabi ni producer Shandii J. sa isang maikling pakikipag-usap sa kanya. "Maski mismong ang head ng Cinema One Originals na si Mr. Ronald Arguelles, naloka-loka nu'ng panoorin ang film namin! We were Rated X by them. Hahahaha!"

Ang inaambisyon ni produ Shandii J., makakuha man lang sana sila ng PG-14 sa MTRCB. As of press time, hindi namin alam kung 'yun ba ang nakuha nila. Pero kung si Mocha Uson pa ang nasa MTRCB, hindi malayong mangyari iyon dahil kaibigan ni produ Shandii J. si Mocha at liberal ito when it comes to sexy scenes sa movie. Kaya worried na worried si Shandii J. ngayon. Sana, makuha nila ang PG-14 na rating.

"Our film have an advocacy naman", sey pa ni Shandii J. sa isang blogger. "Gusto naming maging boses kami ng mental health awareness.  At first time dito sa Pilipinas na magkakaroon ng isang pelikula ukol sa gymnastics. Gusto rin naming ipahatid ang mensahe na napakaliit yata ng suportang ibinibigay ng gobyerno sa Sports dito sa ating bansa."

Magpapaka-Istariray rin ang pelikulang Double Twisting, Double Back dahil ito ang pinaka-huling pelikula sa Cinema One Originals 2018 Film Festival na magkakaroon ng kanilang Gala Night. Yung ibang mga pelikula, sa Oktubre 12, at 13 may Gala Nights, pero ang Double Twisting, Double Back, sa Oktubre 14 pa may Gala Night. Istariray talaga. Nagpahintay pa ng isang araw para kasabikan!

"Naman, naman!", tugon pa ni Shandii. "Strategy ko yata 'yan, ako ang nakaisip na sa Oktubre 14 pa kami mag-Gala, habang 'yung iba, ipinapalabas na. Hahahaha!", sey muli ni Shandii J. "But I guarantee them, it's worth the wait. Ika nga, save the best for last, di ba? What I can guarantee, maraming sex scenes sa film at magsasawa sila!"

Hhhhhhmmmmmmmm. Sa mga nasabi ni produ Shandii J., doon pa lang, natitiyak na naming magiging blockbuster hit talaga ang pelikulang Double Twisting, Double Back. Maaaring sumunod ito sa mga yapak ng That Thing Called Tadhana nina JM de Guzman at Angelica Panganiban a few years back. In which, according to Mr. Arguelles, was the biggest money-earning film ng Cinema One Originals.

Bukod sa pagiging blockbuster, hinuhulaan din naming maglalaban sa Best Actor award sina Tony Labrusca at Joem Bascon sa pelikulang ito. Grabe. Panalo talaga!



(sinulat ni robert manuguid silverio)