swordshines10: Vice Ganda at Lance Raymundo, sa paningin ng isang die-hard fan girl na si Beni Saunders!

Vice Ganda at Lance Raymundo, sa paningin ng isang die-hard fan girl na si Beni Saunders!

A SPECIAL COLLAGE OF PHOTOS OF MS. BENI SAUNDERS TOGETHER WITH HER IDOLS LANCE RAYMUNDO AND VICE GANDA

VICE GANDA AND BENI: SUPER!

BENI AND LANCE RAYMUNDO: ALMOST LIKE HER PRINCE CHARMING

PERSONAL NA SINULAT MISMO NI MS. BENI SAUNDERS, ANG NUMBER ONE FAN NINA VICE GANDA AT LANCE RAYMUNDO).*

"HINDI na lingid sa kaalaman ng nakararami na ang inyong abang lingkod ay isang masugid na tagahanga ng dalawang Pinoy celebrities, walang iba kung hindi sina Vice Ganda at Lance Raymundo. Silang dalawa ang namumukod tangi sa lahat sa puso at isipan ko, sila ang dalawa kong super idolo na pinagbuhusan ko ng nag-uumapaw na pagmamahal at respeto bilang artista at bilang tao.

Wala nang question pa sa kasikatan ni Vice. Si Lance naman, na bagamat hindi super famous, I do believe na balang araw ay mararating din niya ang stardom na deserve niya nang sobra. Ini-imagine ko ngayon pa lang ang napakalaking billboards ni idol papa Lance na nagkalat sa kahabaan ng Edsa at iba pang mga lugar sa Pilipinas.

Ngayo’y maraming tao na rin ang nakakakilala sa kanya hindi lang sa mga talentong ibinigay sa kanya ng Diyos, kung hindi bilang isang napakabuting nilalang katulad ni Vice. Isa rin si Lance na maituturing na sobrang mapagmahal na anak at kapatid. Nagkaroon ako ng pagkakataon na ma-meet ang very well respected family ng aking dalawang idolo, at bilang isang die-hard fan, masasabi kong napakasuwerte ko na I've found a very good friend in Idol papa Lance, ang #WolfKing.

Ang tanong ng lahat. Bakit nga ba, Idol papa Lance? Eh, 10 years kaya ang tanda ko sa kanya, hahaha! Well, kung may papa Piolo, siyempre may papa Lance. At dahil Ultimate Idol ko siya, ayun Idol papa Lance ang tawag ko sa kanya. Eh bakit idol, WolfKing? Simple, bata pa lang siya ay Wolf na ang tawag sa kanya. Eh bakit may King? Kasi kung si Vice Ganda ang aking #QueenMotherHorse, siyempre si idol papa Lance naman ang aking #IdolWolfKing.

Bakit nga ba silang dalawa ang Ultimate Idols ko? Mahirap ipaliwanag eh. Ang alam ko lang, masaya ako kapag nakikita at nakakasama ko sila. Mayroon silang mga magagandang katangian na para sa akin ay angat sa iba. Sina Vice at Lance ay mga totoong mga tao na pinakamamahal ko, pero hindi mga santo na sinasamba ko.

Sana gets nyo, bilang isang fan girl, kumakapit ako sa paniniwala na balang araw ang pinapangarap ko na makasama silang dalawa kahit saglit lang, kahit sa iisang larawan lang ay magkakatotoo. Para may souvenir ako na kaming tatlo ay magkasama sa isang picture man lang.

Mahirap na masarap ang maging isang die-hard fan. Masarap sa pakiramdam kapag napapansin ka ng mga celebrity Idols mo. Kapag kumokota ka sa kanila sa yakap at halik at kapag nakapagpa-picture ka kasama sila. Minsan naman makakaranas ka ng pagkabigo at kadalasan, magastos mag-fan girl, hahaha! Pero dapat hindi ka susuko, dahil marami pang mga pagkakataon. Sabi nga nila, fight lang nang fight! Ravaaaaan!

Ang wish ko para sa aking mga pinakaiidolo: Meme Vice at idol papa Lance. Sana ay patuloy kayong i-bless pa ni God at pati na ang family nyo. Sana po ay manatili po kayong malakas at patnubayan lagi ni God. Nawa ay manatili pa kayo sa showbiz industry nang napakatagal na panahon para magpasaya at magpangiti sa fans & supporters nyo, tulad ko. Mahal na mahal ko po kayo, Vice at Lance. Lalabis pero hindi kukulang. Kayo ang Ultimate Idols ko, noon, ngayon, hanggang sa dulo na walang katapusan".---- BENI SAUNDERS