Nakakataba naman ng puso ang suportang ibinibigay ng singer-actor na si Gerald Santos para sa Gantimpala Theater Foundation. Nu'ng October 5 ay dumalo na siya sa unang benefit show, at ngayon naman, hayan at dadalo na naman siya ulit sa ikalawang benefit show bukas, October 12 sa The Library na entitled "Laguna: Full Force" na para ulit sa benefit ng Gantimpala Theater Foundation.
Iyong October 5 kasi, parang reunion at gathering 'yun ng lahat ng mga naging Gantimpala artists, at itong ikalawang show naman bukas ay pawang mga artists sa Laguna ang magsisipagtanghal, mga artists na na-workshop na ni Gean Alain de Leon, isang Gantimpala staffer at assistant director ni Frannie Zamora.
At hindi lang basta dadalo si Gerald sa nasabing show, isa rin siya sa mga very special guests, kasama sina China Cojuangco, RJ Jimenez, CJ Mangahis, Renzo Almario, Norman Penaflorinda, Heidi Arima at Ruel Oda.
Tunay ka, talagang all-out support si Gerald sa mga tao sa mundo ng teatro dahil malakas ang chance ni Gerald na mapasali sa West End Production version ng Miss Saigon (na sa London pa itatanghal) para sa role na Thuy. Wow naman. Sana ay totoo na talaga ang ugong-ugong na iyan. We'll keep on praying na makuha si Gerald sa West End version ng Miss Saigon!
Samantala, si Kakai Bautista (isang true-blooded Gantimpala artist) ang siyang Front Act ng event na ito, kasama ang Laguna Artists. Sa ganap na 8 p.m. ng gabi magsisimula ang show.
Go na kayong lahat at makisaya sa benefit show na ito!!!
(sinulat ni robert manuguid silverio)
Walang komento:
Mag-post ng isang Komento