Nakakalungkot naman ang nangyayari ngayon sa personal na buhay ni Michael Pangilinan. Nakakaiyak kung tutuusin. Kung ikaw ay isang AMA, damang-dama mo. May pinaghuhugutan. Totoo ka.
We can feel for Michael. Sino ba namang AMA ang hindi masasaktan ngayon sa ginagawa sa kanya ng ina nu'ng mismong anak niya? Na tila ipinagmamaramot na 'yung bata, at hindi sumusunod sa mga napag-usapan na nilang visitation rights para doon sa bata?
Kaya hayan, idinaan na ngayon ni Michael ang lahat sa 'legal' na pamamaraan. Kinuha na ni Michael ang serbisyo ni Atty. Ferdie Topacio para mapag-usapan na ng maige ang "visitation rights" na hinihingi ni Michael para sa kanyang anak.
Tila yata kasi ayaw na nu'ng 'stepdad' nu'ng bata na makapiling pa nito si Michael. Kaya hayan, makikipaglaban na ng tuluyan ang batang ama - makapiling lamang ang kanyang anak!
Hanga kami kay Michael pagdating sa bagay na ito. Ipinaglalaban lamang niya ang kanyang karapatan bilang tunay na ama nung bata. Kaya sana ay pagbigyan naman siya.
“Hindi puwedeng ang stepdad niya ang magde-decide para sa baby ko. Maayos ang naging usapan namin ni Erin noon pero ni minsan ay hindi siya tumupad. Gusto niya ay dadalhin niya ang bata sa bahay pero iuuwi rin niya agad. Hindi ganoon ang naging usapan namin. Bakit pinahihirapan nila ako sa anak ko?” sambit pa ni Michael nu'ng minsang makaharap nito ang mga kaibigan sa press media.
Isa lang ang naging reaksyon ng manager ni Michael na si Jobert Sucaldito sa mga pangyayaring ito: "HAY, BUHAY.", were the very words that Michael's manager said on his Facebook account.
Oo nga naman.
(sinulat ni robert manuguid silverio)
Walang komento:
Mag-post ng isang Komento