swordshines10: tara na, sa birthday concert ni macoy mendoza (at grand launching din ng kanyang first single na "puede kaya?")....

macoy mendoza, in a shot taken from a winter season in Australia, together with kid-relatives.

Iilan na lamang ngayon ang nabibigyan ng todo-todong break sa larangan ng pagkanta. Yun bang nagsisimula ka pa lamang, eh, may first single ka na agad at ang nag-compose pa ng single mo ay si Vehnee Saturno, na isang alamat na sa paglikha ng mga awitin.

'Yun bang kay bago-bago mo pa lamang, hayan na ang mga media people na kaibigan ng mga managers mong sina Maine Musni Nieto at Jobert Sucaldito, na agad kang sinulat sa mga diyaryo, blog sites at nag-guest din agad sa mga radio shows.

'Yun bang hayan, may solo concert ka na rin agad, na magiging kaalinsabay pa ng Grand Launching ng una mong single na may pamagat na "PUWEDE KAYA?". Lahat ay tipong naaayon naman sa tamang panahon. Lahat ay tipong nakikisayaw sa tono ng isang musika, at, nakikisabay din sa pagsalpok ng mga alon sa karagatan.

Marahil, mabait kang tao. Nakatitiyak din kami, may ginituang puso ka. Dahil ang mga taong binibigyan ng mga ganap na papapala ng Diyos- ay iyong mga taong mababait, masunurin, magagalang. Ikinatutuwa ng Nasa Itaas ang mga kabataang tulad mo. Kaya ang mga ganap na mga grasya't pagkakataon, tunay namang ibinibigay sa iyo.

Kasama ang mababait mong mga managers, oo, MACOY MENDOZA, manonood kami ng concert mo sa darating na Hunyo 14 sa Metro Walk ng Music Hall.

Naririyan din ang kaibigan nating si Kiel Alo- na susuportahan ka sa gabing iyon. Isang gabing magpapatunay na isa ka na ngang ganap na bituin, Macoy. At inaakap ka na ng tuluyan ng mundo ng showbiz.

Tara na, sa birthday concert mo, Macoy. Na siya ring Grand Launching ng iyong unang single na "Puwede Kaya".

Galingan mo, ha.

(sinulat ni robert manuguid silverio)