"PASASALAMAT NI MS. LOVELY RIVERO SA MGA ORGANISASYON AT MGA TAONG TUMULONG AT SUMUPORTA SA KANYA SA KANYANG ADBOKASIYA SA COVID-19 PANDEMIC""

lovely: beauty inside and out

lovely: out of her comfort zone to help others

lovely: her gift of kindness

“God is amazing! Sobrang nakakatuwa! Akala ko patapos na itong ginagawa ko pero hindi pa pala!” Yan lang ang paulit ulit na nasabi ng veteran aktres/host na si Lovely Rivero nung nagpasabi ulit ang Fly Ace Corp sa pamamagitan ng may-ari nito na si Elliz Cochanco ng mag papadala ulit sila ng mga canned good and other food products sa pangalawang pagkakataon para itulong sa mga proyekto ni Lovely na tuloy tuloy nyang ginagawa mula noong umpisa pa ng pandemya hanggang sa ngayon at ito ay ang pag spo-sponsor ng meal services para sa mga frontliners natin sa hospitals at maging sa iba’t ibang sector ng lipunan katulad ng mga kapulisan at militar, guards, displaced drivers at workers, pati mga beterinaryo at taga pangalaga ng mga hayop. 

Isa pang ginagawa n'ya ay ang pamimigay ng mga “Food Care Packages” sa mga musikero at sa komunidad. Nung umpisa ay tahimik lang at walang nakakaalam na ginagawa na ito ni Lovely ngunit nung may nag donate na, naisip nya na kailangan na itong magkaroon ng transparency kaya nag umpisa syang mag post, hindi para ipakita sa mga tao ang dati pa naman na nyang ginagawa, ngunit para ipakita ang kanyang pasasalamat sa mga tao na nag titiwala sa kanya at tumutulong at para malaman din nila kung saan napupunta ang kanilang binibigay. Sa ngayon, kung bibilangin, mula ng mag umpisa si Lovely at ang kanyang munting team, mahigit isang libong meal packs na ang kanyang naluto at na distribute sa mga Frontliners at mahigit kumulang 300 food care packages na ang naipamahagi sa iba’t ibang sector.

 Kaya naman walang sawa syang nag papasalamat sa mga tumulong at nag donate mula noon hanggang ngayon kasama na sila Asec Janneth Ong at ang bumubuo ng One Marikina group para sa mga vitamins at food supplements. Ganun din sila Malou Mariano at ang mga kaibigan nito na kahit nasa Amerika lahat ay nag malasakit sa Filipino frontliners. Isa ang grupo nila sa napakaraming meal service na nagawa. Nandyan din ang “Expose and Express” team donors sa fundraising na ginawa ni Jenny Umali kung kayat lalong lumawak pa ang gawain na ito ni Lovely. 

At sa lahat ng mga nag donate sa kanya ng direkta at nagbigay ng mga bigas na napaka haba pa para isa isahin, ang gusto lang maparating ni Lovely sa bawat isa sa kanila ay ang kanyang walang katapusang pasasalamat. At dahil nangako sya ng transparency sa mga tumulong sa kanya, hiningi namin kay Lovely ang listahan kung saan napunta ang pinag sama-samang donasyon ng mga grupo at indibidwal na ito na sya namang inisa-isa nya. Ngunit hindi pa dito nag tatapos ang kanyang gawain dahil patuloy pa rin sya habang may mga taong gusto mag pahatid ng tulong sa pamamagitan nya sa ating mga frontliners at komunidad, lalo pa at inappoint sya ngayon ng Rotary Club of Makati Dasmarinas bilang Chairperson ng kanilang special committee on Covid 19. Kaya narito ang ilang ospital at grupo na nahatiran ni Lovely at ng kanyang mga donors ng masarap na mga pagkain: 

1. Manila Doctors Hospital (2 times) 2. Philippine General Hospital 3. National Children’s Hospital (2 times) 4. Lung Center of the Philippines 5. East Avenue Medical Center 6. PTV 4 Broadcasters & production crew for their early morning show. 7. Dr. Jose Fabella Hospital 8.Amang Rodriguez Hospital 9. Jose Rodriguez Hospital 10. Rizal Medical Center 11. Ospital ng San Jose Del Monte Bulacan (2 times) 12. Paracelsus Integrative Medical Center (c/o Dr. Arabia) 13. Pasig General Hospital (2 times) 14. Child’s Hope Hospital 15. Ospital ng Paranaque 16. Imus General Hospital 17. Ospital ng Maynila (2 times) 18. Tondo Medical Center 19. Cardinal Santos Medical Center 20. Disease Risk Reduction Management Office (DRRMO) 21. Gat Andres Bonifacio Medical Center 22. Drivers of Metro Manila Subway project & their families. 23. Animal House in Makati. 24. The Reactionary Standby Support Force stationed at the Quarantine facility at the PICC. 25. Random feedings of stranded returning OFW waiting for a way to return to their respective provinces. 26. Random feeding of guards & maintenance workers. 

At para sa mga FOOD CARE PACKAGES at SUPPLEMENTS/VITAMINS na ipinamahagi ni Lovely at ng kanyang team galing sa pinag sama-samang donasyon nila Asec Janneth Ong at ng One Marikina Group (para sa mga supplements/vitamins) at ng may mga mabubuting loob para sa bigas at mga pagkain at ng Fly Ace Corp, napunta yun sa mga displaced musicians/ band members/ live entertainers/ strolling bands sa iba’t ibang lugar, around Metro Manila and nearby provinces. Nag donate din ang grupo nila Malou Mariano ng mga bigas, noodles at canned goods sa Red Cross (QC branch ). 

Ang iba pang food care packages ay napunta sa ilang displaced tv production crew. Meron din para sa ilang pamilya sa Tondo sa pamamagitan ni Joey Ong. May konting cash assistance din sa ilang senior musicians sa pamamagitan ni Andy at Sol Anggulo na nag dagdag pa from their own pockets. Nakapag bigay din ng Vitamins at Supplements sa I am Hope organization at sa RCMD, sa Baguio City care of Pastor Ben Aslor, sa mga senior citizens & pwd ng Payatas, sa barangay ng Singalong at sa Sampaloc Manila at pati sa Sampaloc, Quezon province. 

Nakaabot din ang mga ito sa ibat ibang komunidad sa QC lalo na yung mga nasunugan sa pamamagitan ni Atty Waldo Flores. Nakapag padala rin ng mga supplements sa Bacolod City sa pamamagitan ni Atty. Waldo & Chon Flores at marami pang iba.

 Ayon kay Lovely, kung hindi nga lang daw dahil may mga nag tiwala na nag donate at tumulong ay ayaw na nya sanang ipost pa at pag usapan ang kanyang mga ginagawa dahil marami din naman daw ibang tao na ginagawa rin ang ginagawa nya ng mas higit pa at hanga sya sa mga ito. Ngunit dahil nga sa may mga mabubuting tao na di nag atubiling sumuporta, kaya nya ito nilalahad. Ayon kay Lovely, “their generosity kindness and trust deserve my gratitude, transparency and accountability, no less.”

Blogged by Robert Manuguguid Silverio

Photos Courtesy of Ms. Lovely Rivero, as the photos below shows Ms. Lovely's personal work tasks in her advocacy to help people at the times of the Corona Virus. Photos were not captioned to create a more dramatic feeling.---rms*