lance raymundo at direk elwood perez: "ang dalawang ELWOOD"...

Lahat tayo ay may kanya-kanyang pantasya sa buhay. May mga tinatagong "hidden personality", o dili kaya, 'yung tinatawag na ALTER EGO.

Ito 'yung personality nating kakaiba, unique, na tila bagang SUPERMAN tayo sa personalidad na iyon. Dahil iyon ang personality na kung saan ay NAPAKA-GUWAPO o kaya'y NAPAKAMAGANDA natin... Nagiging bata tayo sa personalidad na iyon, nagiging passionate, nagiging mapusok.

At 'yun na. Kamakailan lang, nagdaos ng kanyang kaarawan ang Master film director na walang iba kundi si direk Elwood Perez na idinaos sa Valencia Events Place. At doon, nasaksihan ng lahat ang "DALAWANG ELWOOD"  na makikita't mapapanood sa tinatapos na niyang pelikula ngayon- ang MNEMONICS.

Sa Mnemonics, dalawang Elwood ang matutunghayan ng lahat. Ito kasi ang semi-autobiographical film ni direk Elwood na tinitiyak naming gagawa ng kakaibang "alingasngas" kapag nai-showing niya. At sa pelikulang ito, si Lance Raymundo ang gaganap sa papel na batang Elwood. Yung Elwood na passionate, handsome, young, impulsive, igniting....

Yung Elwood na kapag nakakakita ng guwapong lalaki ay biglang mag-i-ignite ang overwhelming feelings of raw passion at sasabihing- "I want to make you a star! I want you to become my actor and direct you in a film!"

At doon muli lalabas ang pagka- maka-sining ni direk Elwood. Gaganahan muling magtrabaho at magdirek dahil "inspired" siya sa bagong tuklas niyang artistang lalaki.

AT ANG KARAKTER NA ITO NI DIREK ELWOOD ANG SIYANG GAGAMPANAN NI LANCE SA PELIKULANG "MNEMONICS".

"It's such an honor to portray a character that's so unique and challenging", nawika naman ni Lance Raymundo sa isang coffee interview. "And I'm a little bit flattered that direk Elwood chose me personally to portray him. Sabi pa niya, walang iba na puedeng mag-portray sa younger Elwood kundi ako. We had series of meetings and workshops so I can fully relate to that character of a young Elwood na passionate and young.

"So far, everything went well naman", dagdag na sabi pa ni Lance. "Nu'ng nagdaang birthday ni direk Elwood, I wore almost the same kind of Barong Tagalog that he wore. A lot of people were mesmerized how we look so much alike that night. It's because I really copied his looks. That evening is in connection kasi with our film. I want direk Elwood to feel nostalgic.

"Halos mapaiyak pa nga si direk when I presented him an award na kung saan ay siya ang naka-design sa award na iyon", patapos na wika ni Lance. "He was so carried-away. He embraced me and thanked me for being there. And almost all the most important people in his life was there, too, at his last birthday."

Magre-resume na ng shooting ang pelikulang Mnemonics nina Lance at direk Elwood. Definitely ay tatapusin nila ito. Kasi, Lance is now preparing for a new concert, with a different concept this time. Masu-surprise kayong lahat sa bagong concert na gagawin ni Lance dahil pawang mga young mainstream singers from channel 2 and channel 7 ang makakasama rito ni Lance. Basta, watch out!!!

"And hopefully, I can record one song before the year 2017 ends", pahabol na wika ni Lance. "I so love to continue singing. It's a part of my self that I can never deny."

Goodluck, Lance!


(sinulat ni robert manuguid silverio)

WITH PHOTOS, COURTESY OF MS. KAREN JANE SALUTAN AND MR. LANCE RAYMUNDO HIMSELF**

LANCE WITH MOTHER LILY AT DIREK ELWOOD'S BDAY BASH

MS. KAREN JANE SALUTAN, DIREK ELWOOD, MOTHER LILY AND LANCE

LANCE & DIREK ELWOOD FLOCKED BY THE GUESTS

NOTICE THE SIMILARITY BETWEEN LANCE AND DIREK ELWOOD IN THIS PHOTO?