ISANG PAANYAYA MULA KAY DIREK JOSE JEFFREY CAMANAG NA PANOORIN ANG "NOLI ME TANGERE, THE OPERA"!!
direk jose jeffrey (2nd from left, in white polo shirt) with the major cast of "noli, the opera"
"noli, the opera" sizzles at the ccp main facade
direk jose jeffrey: co-director of "noli me tangere, the opera"
"Sa pagsilip ng araw bukas ay ngingiti ang mga ulap sa
pagsasama-sama ng mga bituing nabigkis ng iisang adhikaing magbigay ng liwanag
sa mga musmos na kaisipang nabubulagan ng technolohiyang mapanlinlang.
Tatanglawan nito ang mga matang bulag sa mga nagkukubling
katotohanang minana natin sa ating mga ninuno. Mga katotohanang inilahad ng
bayani ng ating lahi ilang siglo na ang nakararaan ngunit ang bawat mapait na
katotohan ay namamayanin pa rin sa kasalukuyan.
Kaya't pakinggan ang awit ng mga nagniningning na bituin
hayaan ang lumang himig ang magbigay gabay upang pumailanlang ang makabagong
tinig na naglalayong hubugin ang kaisipang makabayan, makatao at makadiyos.
Noli Me Tangere, Huwag Mong Salingin ang nagnanaknak na
kanser ng lipunan. Halina at samahan kami, muling ilalantad sa musika ng
dakilang Felipe De Leon at sa mabunying panulat ng bayani ng sining na si
Guillermo Tolentino ang Operang halaw sa dakilang nobelang pumukaw sa ating mga
ninuno upang makibaka para sa kalayaan sa mga mapang-aliping dayuhan.
Nawa sa pagliliwanag ng ilaw ng aming tanghalan ay
magliwanag rin ang kalangitang magbubuhos ng makabagong kalayaan sa ating inang
bayang inupasala ng sarili niyang mga anak na nananatili sa kadiliman ng
kasakiman at kawalang pakielam. Hayaang maitanim sa kaisapan ng kabataan ang
mabubuting punlang magbabago ng hugis ng kanilang kinabukasan.
MABUHAY, NOLI ME TANGERE, THE OPERA!!!"---- (JOSE JEFFREY CAMANAG).***
briefing with the cast of "noli, the opera"
group shot with the staff, cast and crew of "noli, the opera"
smiles from the major cast
direk jose jeffrey rehearses a scene from the opera
Walang komento:
Mag-post ng isang Komento